Птичји грип-(засега крај)

Влада - Се уште нема птичји грип

Во Македонија не е регистриран птичји грип, а надлежните државни органи се задолжени да ја следат состојбата и да ги спроведуваат сите неопходни мерки во смисла на превенција.

Ова е заклучено на седницата на Владата која заврши вечерва, и на која било прифатен “Планот на активности пред и во текот на евентуалната пандемија на грип, и Информацијата за преземање мерки за заштита од внесување на авијарна ифлуенца (птичји грип) во Република Македонија“.

Владата го задолжи Министерството за финансии, во соработка со Министерствата за здравство и за земјоделство, “да подготват одлука за висината на потребните средства за реализација на активностите“.

Во соопштението на Владата се наведува дека сите досегашни случаи на заболена живина потврдиле присуство на “њукаслска болест“, а единствено во село Могила, кај еден од испитаните примероци е добиен позитивен резултат на “групен антиген на авијарна инфлуенца тип А“, што не значи дека станува збор за “патоген сој на вирусот“, попознат како птичји грип.